ଟ୍ରାନ୍ସପୋର୍ଟ କମିଶନର ଏବଂ ଓଡିଶା ଟ୍ରକ ମାଲିକ ମହାସଂଘର ବୈଠକ
୫ଟି ତଥା ନବୀନ ଓଡିଶା ଅଧ୍ୟକ୍ଷ ଶ୍ରୀଯୁକ୍ତ ଭି କେ ପାଣ୍ଡିଆନଙ୍କ ନିର୍ଦେଶ କ୍ରମେ ଟ୍ରାନ୍ସପୋର୍ଟ କମିଶନର ଏବଂ ଓଡିଶା ଟ୍ରକ ମାଲିକ ମହାସଂଘର ବୈଠକ
Onm
ଟ୍ରକ ମାଲିକ ମାନଙ୍କ ବିବିଧ ସମସ୍ୟା ନେଇ ଓଡିଶା ଟ୍ରକ ମାଲିକ ମହାସଂଘର ଓଡିଶା ରାଜ୍ୟ ସଭାପତି ଶ୍ରୀ ପୁରଞ୍ଜନ ପାଢ଼ୀ ,ରାଜ୍ୟ ସମ୍ପାଦକ ଶ୍ରୀ ପତିତପାବନ ସାହୁ, ରାଜ୍ୟ ଉପସଭାପତି ଶ୍ରୀ ଫିରୋଜ଼ ଖାନ, ରାଜ୍ୟ ସହ-ସମ୍ପାଦକ ଏସ. କେ. ତାଂଜିମ ଅହମଦ ଚାଇସ୍ଟି ଶ୍ରୀଯୁକ୍ତ ପାଣ୍ଡିୟାନଙ୍କୁ ସାକ୍ଷାତକରି ମହାସଂଘର ବିଭିନ୍ନ ସମସ୍ୟା ବିଷୟରେ ଅବଗତ କରାଇଥିଲେ ।ମାନ୍ୟବର ୫ଟି ଅଧ୍ୟକ୍ଷଙ୍କ ହସ୍ତକ୍ଷେପ ପରେ ଟ୍ରାନ୍ସପୋର୍ଟ କମିଶନର ଆଇପିଏସ୍ ଅମିତାଭ ଠାକୁର ଏବଂ ଓଡିଶା ଟ୍ରକ ମାଲିକ ମହାସଂଘ ମଧ୍ୟରେ ଦୀର୍ଘସମୟ ଧରି ଆଲୋଚନା ହୋଇଥିଲା। ଟ୍ରକ ମାଲିକ ମାନେ ରାସ୍ତାରେ ସମ୍ମୁଖିନ ହେଉଥିବା ବିଭିର୍ଣ୍ଣ ସମସ୍ୟା, ରେଳରେ ଅତ୍ୟଧିକ ମାଲ ପରିବହନ ହେତୁ ଟ୍ରକ ମାଲିକ ମାନଙ୍କୁ ଅଣଦେଖା, ବ୍ୟାଙ୍କ ମାନଙ୍କ ଭଡାଟିଆ ଗୁଣ୍ଡାଙ୍କ ଅତ୍ୟାଚାର, ନୂତନ ଗାଡି ଭଡା ନିର୍ଧାରଣ ଏବଂ ସରକାରୀ ଧାର୍ଯ୍ୟ ମୂଲ୍ୟ ଅନୁଯାୟୀ ଟ୍ରାନ୍ସପୋର୍ଟ କମ୍ପାନୀ ମାନଙ୍କୁ ମାନିବାକୁ ବାଧ୍ୟ କରାଯିବା ସହ ଚଲାଣରେ ରେଟ ଲେଖିବା, ଆସନ୍ତା ଦିନରେ କେନ୍ଦ୍ର ସରକାରଙ୍କ ଦ୍ୱାରା ନିର୍ଦେଶନାମା ସ୍ୱୟଂ ଚଳିତ ଫିଟନେସକୁ ବନ୍ଦ କରାଇବା, ଛତିଶଗଡ ଏବଂ ୱେଷ୍ଟ ବେଙ୍ଗଲ ବର୍ଡ଼ରରେ ମନଇଚ୍ଛା ମନମୁଖି ଅସୁଲି ଆଦାୟ ଇତ୍ୟାଦି ବିଷୟରେ ଆଲୋଚନା ହୋଇଥିଲା | ଟ୍ରାନ୍ସପୋର୍ଟ କମିଶନର ଯଥାଶୀଘ୍ର ପର୍ଯ୍ୟାୟକ୍ରମେ ଏହି ସମସ୍ୟା ଗୁଡିକର ସମାଧାନ କରାଯିବ ବୋଲି ପ୍ରତିଶୃତି ଦେଇଥିଲେ | ଜାନୁଆରୀ ମାସ ଦ୍ୱିତୀୟ ସପ୍ତାହ ପରେ ଏକ ତାରିଖ ଏବଂ ସ୍ଥାନ ନିର୍ଧାରିତ କରି ଓଡିଶା ପ୍ରଦେଶର ସମସ୍ତ ଜିଲ୍ଲାର ଟ୍ରକ ମାଲିକ ଭାଇ ମାନଙ୍କୁ ଡାକି ମାନ୍ୟବର ଟ୍ରାନ୍ସପୋର୍ଟ କମିଶନର ଆଲୋଚନା କରିବେ ବୋଲି ପ୍ରତିଶୃତି ଦେଇଛନ୍ତି .
ଓଡିଶା ଟ୍ରକ ମାଲିକ ମହାସଂଘ ପକ୍ଷରୁ ମାନ୍ୟବର ୫ଟି ଏବଂ ନବୀନ ଓଡିଶା ଅଧ୍ୟକ୍ଷ ଏବଂ ଟ୍ରାନ୍ସପୋର୍ଟ କମିଶନର ଆଇପିଏସ୍ ଅମିତାଭ ଠାକୁରଙ୍କୁ ଧନ୍ୟବାଦ ଦିଆଗଲା |ଏହି ଅବସରରେ ମହାସଂଘ ର ରାଜ୍ୟ ଉପସଭାପତି ଶ୍ରୀ ଫିରୋଜ଼ ଖାନ, ରାଜ୍ୟ ସହ-ସମ୍ପାଦକ ଏସ. କେ. ତାଂଜିମ ଅହମଦ ଚାଇସ୍ଟି ଓ ମହାସଂଘର ଅନ୍ୟ ପ୍ରମୁଖ ସଦସ୍ୟ ଉପସ୍ଥିତ ଥିଲେ।
