ମୁହଁ ଖୋଲିଲେ ବାପି ସର୍ଖେଲ
ଭାଇରାଲ ନାଚ ଭିଡିଓ କୁ ନେଇ ବାପି ଙ୍କ ସ୍ପଟିକରଣ
Onm
5386
ଆପଣ ମାନଙ୍କୁ ସପ୍ରେମ ନମସ୍କାର । ଗତକାଲି ଠାରୁ ସାମାଜିକ ଗଣମାଧ୍ୟମରେ ମୋର ଏକ ଭିଡ଼ିଓ ଘୁରି ବୁଲୁଥିବା ଦୃଶ୍ୟ ମୋ ନଜରକୁ ଆସିଛି । ସେହି ଭିଡ଼ିଓଟି ସଂପୂର୍ଣ୍ଣ ସତ୍ୟ ଉପରେ ଆଧାରିତ । ସେହି ବାବଦରେ ମୁଁ ଆପଣମାନଙ୍କ ନିକଟରେ ଜବାବ ରଖିବାକୁ ଚାହୁଁଛି, ମୋର ପାରାଦ୍ୱୀପ ନିର୍ବାଚନ ମଣ୍ଡଳୀରେ ଯେଉଁ ରାଜନୈତିକ ପ୍ରତିଦ୍ଵନ୍ଦୀ ମାନେ ଅଛନ୍ତି ଭିଡ଼ିଓଟିର ଅସଲ ଉଦ୍ଦେଶ୍ୟ ଓ କାରଣ ନଜାଣି ମୋତେ ବଦନାମ୍ କରି ନିଜର ବ୍ୟକ୍ତିଗତ ରାଜନୈତିକ ଅଭିସନ୍ଧି ପୂରଣ କରିବା ପାଇଁ ଚେଷ୍ଟା ଜାରି ରଖିଛନ୍ତି । ସେମାନଙ୍କ ଦ୍ଵାରା ସାମାଜିକ ଗଣମାଧ୍ୟମରେ ଏ ବାର୍ତ୍ତା ପ୍ରଚାର, ପ୍ରସାର ହେବା ଦ୍ଵାରା ମୋର ଶୁଭେଚ୍ଛୁ ସମର୍ଥକଙ୍କ ନିକଟକୁ ମୋ ବାବଦରେ ଏକ ନକରାତ୍ମକ ସନ୍ଦେଶ ଯାଇଛି । ତାହା ସହିତ ସାଧାରଣ ଜନତା ଯେଉଁମାନେ ମୋତେ ଅତି ନିକଟରୁ ଜାଣିଛନ୍ତି । ସେହି ମାନଙ୍କୁ ପ୍ରକୃତ କାରଣ ଜଣାଇବାକୁ ଇଚ୍ଛା ପ୍ରକଟ କରୁଅଛି । ଗତ ତା-୨୩-୦୭-୨୦୨୩ ରିଖ ଦିନ ଏକ ପଞ୍ଚତାରକା ହୋଟେଲରେ ମୋର ଜନ୍ମଦାତ୍ରୀ ମାଆଙ୍କର ୭୦ତମ ଜନ୍ମ ଉତ୍ସବ ପାଳନ କରୁଥିଲି । ଯେଉଁ ନାଚଗୀତର ଭିଡ଼ିଓଟି ଆପଣମାନଙ୍କ ନିକଟରେ ଦୃଶ୍ୟମାନ ହୋଇଛି ସେଥିରେ ନାଚୁଥିବା ସଦସ୍ୟ ମାନେ ହେଲେ ମୋର ସହଧର୍ମିଣୀ, ପୁଅ ଝିଅ ଏବଂ ତାଙ୍କ ସାଙ୍ଗସାଥି ଓ ପରିବାରର ଆତ୍ମୀୟସ୍ଵଜନଙ୍କ ସହିତ ମୋର ସମ୍ପର୍କୀୟ ମାନେ ଉପସ୍ଥିତ ରହି ଖୁସି ମନାଉଥିଲେ । ମାଆଙ୍କ ମନରେ ଆନନ୍ଦ ଭରିଦେବା ପାଇଁ ସମସ୍ତ ପ୍ରକାର ଆୟୋଜନ କରିଥିଲି । ଜଣେ ସୁପୁତ୍ର ହିସାବରେ ଜଣେ ମାଆର ମମତା ଆଗରେ ନିଜକୁ ସମର୍ପିତ କରିବା କଣ ଭୁଲ୍ କି I ହେ ମୋର ନିନ୍ଦୁକ ଭାଇମାନେ ଆପଣ ମାନେ ତ କେଉଁ ମାଆର ପୁଅ ହୋଇଥିବେ, ସ୍ତ୍ରୀର ସ୍ଵାମୀ ହୋଇଥିବେ, ପୁଅ ଓ ଝିଅର ବାପା ବି ହୋଇଥିବେ ସେମାନଙ୍କର ଖୁସିରେ ଆପଣ ମାନେ ଖୁସି ନୁହନ୍ତି କି I ଆପଣ ମାନଙ୍କୁ ମୁଁ ଅନୁରୋଧ କରୁଛି ରାଜନୈତିକ ଆରୋପ ଓ ପ୍ରତ୍ୟାରୋପ ଚାଲିବା ସ୍ଵାଭାବିକ କଥା, ସେଥିପାଇଁ ମୋର ତିଳେ ମାତ୍ର ଭ୍ରୂକ୍ଷେପ ନାହିଁ, ମୋତେ ନିନ୍ଦା ଅପବାଦ ଦେଲେ ମଧ୍ୟ ମନରେ କେବେ ବି ଦୁଃଖ ଅନୁଭବ କରିନି । ଗୋଟିଏ ଜନ୍ମଦିନର ଖୁସିକୁ ନେଇ ଯେଉଁ ପ୍ରକାର କଦର୍ଯ୍ୟ ମାନସିକତାର ପରିପ୍ରକାଶ କରିଛନ୍ତି ତାହା ମୋତେ ବହୁତ ଦୁଃଖ ଦେଇଛି । ଯଦି ଆପଣ ଏହି ଭିଡିଓ ପୋଷ୍ଟ କରି ଆପଣମାନେ ଆପଣ ମାନଙ୍କ ଲକ୍ଷ୍ୟ ସ୍ଥଳରେ ପହଞ୍ଚି ପାରିବେ ବୋଲି ଭାବି ନେଇଛନ୍ତି, ସେଥିପାଇଁ ଆପଣ ମାନଙ୍କ ପାଇଁ ମୋର ଅନେକ ଅନେକ ଶୁଭେଚ୍ଛା । କିନ୍ତୁ ଯେଉଁ ମାଆ ମୋତେ ଦୁନିଆ ଦେଖେଇବାରେ ଦିନରାତି ଏକାକାର କରିଦେଇଛନ୍ତି, ଆଜି ପର୍ଯ୍ୟନ୍ତ ଯାହା କିଛି ବି ପାଇଛି ସେହି ମାଆଙ୍କ ପାଇଁ, ମାଆ ର ଖୁସି ପାଇଁ ଜନ୍ମଦିନ ପାଳନ କରି ମୁଁ କ’ଣ ଭୁଲ କରିଛି କି I ତାହାଲେ ମୋ ମତରେ ମୋ ମାଆ ଓ ପରିବାରର ଖୁସି ପାଇଁ ମୋତେ ଯଦି ଏହିପରି ୧୦୦୦ ଥର ଭୁଲ୍ କରିବାକୁ ହୁଏ ତେବେ ମୁଁ ମୋ ପରିବାର ପାଇଁ କେବେ ବି ପଛଘୁଞ୍ଚା ଦେବିନାହିଁ ।
ଜୟ ଜଗନ୍ନାଥ
