ବେଙ୍ଗାଲୁରୁ ଠାରେ "ଓଡ଼ିଶା ନିବେଶକ ସମ୍ମିଳନୀ" ଆୟୋଜିତ
ବୟନ, ପୋଷାକ ଓ ବୈଷୟିକ ବୟନ ଶିଳ୍ପ କ୍ଷେତ୍ରରେ ବିଶେଷ ଧ୍ୟାନ ଦେଇ ଓଡ଼ିଶା ସରକାର ଚଳିତ ମଇ ୧୭ ଓ ୧୮ ତାରିଖ ଦୁଇଦିନ ଧରି ବେଙ୍ଗାଲୁରୁଠାରେ ଏକ ନିବେଶ ପ୍ରୋତ୍ସାହନ ରୋଡ୍ ସୋ' "ଓଡ଼ିଶା ନିବେଶକ ସମ୍ମିଳନୀ" ଆୟୋଜନ କରିଥିଲେ।
Onm
4064
ବୟନ, ପୋଷାକ ଓ ବୈଷୟିକ ବୟନ ଶିଳ୍ପ କ୍ଷେତ୍ରରେ ବିଶେଷ ଧ୍ୟାନ ଦେଇ ଓଡ଼ିଶା ସରକାର ଚଳିତ ମଇ ୧୭ ଓ ୧୮ ତାରିଖ ଦୁଇଦିନ ଧରି ବେଙ୍ଗାଲୁରୁଠାରେ ଏକ ନିବେଶ ପ୍ରୋତ୍ସାହନ ରୋଡ୍ ସୋ' "ଓଡ଼ିଶା ନିବେଶକ ସମ୍ମିଳନୀ" ଆୟୋଜନ କରିଥିଲେ। ୧୭ ତାରିଖରେ ମୁଖ୍ୟ ଶାସନ ସଚିବ ଶ୍ରୀ ପ୍ରଦୀପ କୁମାର ଜେନାଙ୍କ ନେତୃତ୍ୱରେ ଓଡ଼ିଶାର ବରିଷ୍ଠ ପ୍ରତିନିଧି ଦଳ ବିଭିନ୍ନ କ୍ଷେତ୍ରର ୨୨ ଜଣ ନିବେଶକଙ୍କୁ ନେଇ ଗୋଟିଏ ପରେ ଗୋଟିଏ ବି୨ଜି ବୈଠକ କରିଥିଲେ।
ମଇ ୧୮ ତାରିଖରେ ଏହି ପ୍ରତିନିଧି ଦଳ ମୁଖ୍ୟତଃ ବୟନ ଓ ପୋଷାକ, ବୈଷୟିକ ବୟନ ଶିଳ୍ପ ଏବଂ ପରିଧାନଯୋଗ୍ୟ କ୍ଷେତ୍ରର ୨୪ଟି ଶିଳ୍ପକୁ ନେଇ ବୈଠକ ଆୟୋଜନ କରିଥିଲେ।
ଦୁଇଦିନ ଧରି ଚାଲିଥିବା ଏହି କାର୍ଯ୍ୟକ୍ରମରେ ରାଜ୍ୟ ପ୍ରାୟ ୧୧,୫୦୦ କୋଟି ଟଙ୍କାର ପୁଞ୍ଜିନିବେଶ ଲକ୍ଷ୍ୟ ହାସଲ କରିବାରେ ସକ୍ଷମ ହୋଇଥିବା ବେଳେ ୩୧,୫୦୦ରୁ ଅଧିକ ନିଯୁକ୍ତି ସମ୍ଭାବନା ରହିଛି। ସମ୍ଭାବ୍ୟ ନିବେଶକମାନେ ରାଜ୍ୟର ନୂତନ ପୋଷାକ ଏବଂ ବୈଷୟିକ-ବୟନ ନୀତି ୨୦୨୨ ଏବଂ ଶିଳ୍ପ ନୀତି ସଂକଳ୍ପ ୨୦୨୨ରେ ଅତ୍ୟନ୍ତ ଖୁସି ବ୍ୟକ୍ତ କରିଛନ୍ତି।
ରାଜ୍ୟ ଦ୍ୱାରା ବିକଶିତ ହେଉଥିବା ଶିଳ୍ପ ଭିତ୍ତିଭୂମିରେ ନିବେଶକମାନେ ମଧ୍ୟ ପ୍ରଭାବିତ ହୋଇଥିଲେ ଏବଂ ବିଶ୍ୱାସ କରିଥିଲେ ଯେ ଓଡ଼ିଶା ଦେଶର ପରବର୍ତ୍ତୀ ଟେକ୍ସଟାଇଲ ହବ୍ ହେବାକୁ ଯାଉଛି । ଏହା ସବୁଠାରୁ ଅଧିକ ନିଯୁକ୍ତି ଭିତ୍ତିକ କ୍ଷେତ୍ର ହୋଇଥିବାରୁ ଓଡ଼ିଶା ସରକାର ଏହାକୁ ଏକ ଗୁରୁତ୍ୱପୂର୍ଣ୍ଣ କ୍ଷେତ୍ର ଭାବେ ଚିହ୍ନଟ କରିଛନ୍ତି ଏବଂ ରାଜ୍ୟରେ ଏକ ସୁଦୃଢ଼ ଟେକ୍ସଟାଇଲ ଇକୋସିଷ୍ଟମ୍ ନିର୍ମାଣ ପାଇଁ ଓଡ଼ିଶାକୁ ନିବେଶକଙ୍କୁ ଆକୃଷ୍ଟ କରିବାକୁ ଆଗ୍ରହୀ
ଏହି ଅବସରରେ ମୁଖ୍ୟ ଶାସନ ସଚିବ ଶ୍ରୀ ଜେନା ଯୋଗଦେଇ କହିଲେ, ଓଡ଼ିଶା ଭାରତର ଦ୍ରୁତ ଅଭିବୃଦ୍ଧିଶୀଳ ଅର୍ଥନୀତି ମଧ୍ୟରୁ ଅନ୍ୟତମ ଏବଂ ଗତ ଦେଢ଼ ଦଶନ୍ଧି ମଧ୍ୟରେ କ୍ରମାଗତ ଭାବେ ଜାତୀୟ ହାରଠାରୁ ଅଧିକ ଅଭିବୃଦ୍ଧି ହାସଲ କରିଛି। ଓଡ଼ିଶାର ଦକ୍ଷ ଓ ଉତ୍ପାଦନଶୀଳ ମାନବ ସମ୍ବଳ, ପ୍ରଗତିଶୀଳ ନୀତି ଏବଂ ସୁଦୃଢ଼ ଫଳାଫଳ ଭିତ୍ତିକ ଶାସନ ନିବେଶକମାନଙ୍କୁ ରାଜ୍ୟରେ ଶିଳ୍ପ ୟୁନିଟ୍ ସ୍ଥାପନ ପାଇଁ ଏକ ଅନନ୍ୟ ପରିବେଶ ପ୍ରଦାନ କରୁଛି।
