ସାମ୍ବାଦିକ ଙ୍କୁ ଗିରଫ କରି ରାସ୍ତାରେ ଚଲାଇ ନେବା ଘଟଣା, ଏସପି ଙ୍କୁ ଭେଟିଲା ଭୁବନ ସାମ୍ବାଦିକ ସଂଘ
ଚାରିଆଡୁ ନିନ୍ଦା ନିନ୍ଦା ଆଉ ଖାଲି ନିନ୍ଦା ପ୍ରସ୍ତାବ ର ଶୁଆ ଛୁଟୁଛି , ହେଲେ ବେଲଜ୍ଜ୍ୟା ହୋଇ ଯାଇଛି ଜିଲ୍ଲା ପୋଲିସ
Onm
ସାମ୍ବାଦିକ ଙ୍କୁ ଗିରଫ କରି ରାସ୍ତାରେ ଚଲାଇ ନେବା ଘଟଣା
ଏସପି ଙ୍କୁ ଭେଟିଲା ଭୁବନ ସାମ୍ବାଦିକ ସଂଘ
ଭୁବନ ୧୩.୩ – ଢେଙ୍କାନାଳ ଜିଲ୍ଲା ଭୁବନ ବ୍ଲକ ଅନ୍ତର୍ଗତ ବାଲିବୋ ଗ୍ରାମର କର୍ତବ୍ୟରତ ଯୁବ ସାମ୍ବାଦିକ ରବିନ ଦାସ ଙ୍କୁ ଗିରଫ କରି ମାନବିକ ଅଧିକାର କ୍ଷୁଣ୍ଣ କରି ରାସ୍ତାରେ ଚଲାଇ ଚଲାଇ ନେବା ଓ ଶତାଧୁକ ଲୋକଙ୍କ ସମ୍ମୁଖରେ ଫଟୋ ଉଠାଇବା ଘଟଣାରେ ଭୁବନ ସାମ୍ବାଦିକ ସଂଘ ଆଜି ଜିଲ୍ଲା ଆରକ୍ଷୀ ଅଧୂକ୍ଷକ ଙ୍କୁ ଭେଟି ନ୍ୟାୟ ମାଗିଥଲା । ଭୁବନ ସାମ୍ବାଦିକ ସଂଘ ସଭାପତି ମଧୁପ ରଂଜନ ନନ୍ଦ ଙ୍କ ନେତୃତ୍ବ ରେ ସମସ୍ତ କର୍ମକର୍ତା ଙ୍କ ସମେତ ଗନ୍ଦିଆ ମିଳିତ ସାମ୍ବାଦିକ ସଂଘ, ଗଁନ୍ଦିଆ ଡିଜିଟାଲ ମିଡିଆ ଆସୋସିଏସନ ର କର୍ମକର୍ତା ମାନେ ଗଁନ୍ଦିଆ ବ୍ଳକରେ ହେଉଥବା ମିଳିତ ଜନଶୁଣାଣି ଶିବିର ରେ ପହଁଚି ଏସପି ଜ୍ଞାନ ରଂଜନ ମହାପାତ୍ର ଙ୍କୁ ଭେଟି ଅଭିଯୋଗ କରିଥିଲେ । ଏସପି ଶ୍ରୀଯୁକ୍ତ ମହାପାତ୍ର ସାମ୍ବାଦିକଙ୍କୁ ଗିରଫ କରି ରାସ୍ତାରେ ଚଲାଇ ଚଲାଇ ନେବା ଘଟଣାରେ ଦୁଃଖ ପ୍ରକାଶ କରିବା ସହ ଉପଯୁକ୍ତ ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପ୍ରତିଶୃତି ଦେଇଥିଲେ । ଜିଲ୍ଲାପାଳ ସରୋଜ କୁମାର ସେଠୀ ମଧ୍ୟ ଏହି ବିଷୟରେ ଅବଗତ ଅଛନ୍ତି, ସେ ଏସପି ଙ୍କ ସହ ଆଲୋଚନା କରି ନିଶ୍ଚିତ କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି କହିଥିଲେ ।
ସାମ୍ବାଦିକଙ୍କୁ ଗିରଫ କରି ରାସ୍ତାରେ ଚଲାଇ ନେବା ଘଟଣାରେ ବିଭିନ୍ନ ମହଲରେ ନିନ୍ଦା
ଭୁବନ ୧୩.୩- ଜଣେ କର୍ତବ୍ୟରତ ସାମ୍ବାଦିକ ଙ୍କୁ ମିଥ୍ୟା ମାମଲାରେ ଫସାଇ ସ୍ପଷ୍ଟ ଦିବାଲୋକରେ ଗିରଫ କରି ରାସ୍ତାରେ ଚଲାଇ ଚଲାଇ ନେବା ଓ ଫଟୋ ଉଠାଇବା ଘଟଣାରେ ବିଭିନ୍ନ ମହଲରେ ତୀବ୍ର ନିନ୍ଦା କରାଯାଇଛି । ବୁଦ୍ଧିଜୀବୀ ଓ ଚିନ୍ତାଶୀଳ ବ୍ୟକ୍ତିମାନେ ଏହି ଘଟଣାରେ ପୋଲିସକୁ ଦୋଷାରୋପ କରି ଗଣତନ୍ତ୍ରର ଚତୁର୍ଥ ସ୍ତମ୍ଭ ର କଣ୍ଠରୋଧ ଉଦ୍ୟମ ଆଦୌ ଶୁଭଙ୍କର ନୁହେଁ ବୋଲି ମତବ୍ୟକ୍ତ କରୁଛନ୍ତି । ଏହା ସହିତ ସୋସିଆଲ ମିଡିଆରେ ଶତାଧିକ ବ୍ୟକ୍ତି ନିଜର ଅଭିମତ ପ୍ରକାଶ କରୁଛନ୍ତି । ଢେଙ୍କାନାଳ ର ପୂର୍ବତନ ବିଧାୟକ ନବୀନ ନନ୍ଦ ସୋସିଆଲ ମିଡିଆରେ ପ୍ରକାଶ କରିଛନ୍ତି ଯେ, ଏଭଳି ସମ୍ବାଦରେ ମୁଁ ଅତ୍ୟନ୍ତ ମର୍ମାହତ । ଯେଉଁ ରାଜ୍ୟରେ ଗଣତନ୍ତ୍ର ଭୂଷୁଡି ପଡିଛି, ସେଠି ପ୍ରଶାସନିକ ଅଧିକାରୀ ଙ୍କ ଠାରୁ ନ୍ୟାୟ ଆଶା କରିବା ବୃଥା । ଏଭଳି ସ୍ଥିତିରେ ନ୍ୟାୟ ପାଳିକା ଏକମାତ୍ର ଭରସା । ସଂଗ୍ରାମ ଜାରି ରହୁ, ମୋର ସମର୍ଥନ ଜାରି ରହିବ ବୋଲି ଶ୍ରୀଯୁକ୍ତ ନନ୍ଦ ମତବ୍ୟକ୍ତ କରିଛନ୍ତି । ରାଜ୍ୟ ସାମ୍ବାଦିକ ସଂଘ (ଏସୟୁଜେ) ଓଡ଼ିଶା, ସଭାପତି ଶ୍ରୀଯୁକ୍ତ କୈଳାସ ନାୟକ ଏହି ଘଟଣାରେ ଅତ୍ୟନ୍ତ ଦୁଃଖ ପ୍ରକାଶ କରିବା ସହିତ ଭୁବନ ଥାନାଧୁକାରୀ ଲକ୍ଷ୍ମଣରେଖା ଅତିକ୍ରମ କରି କ୍ଷମତାର ଦୁରୁପଯୋଗ କରି ଜଣେ ସାମ୍ବାଦିକ ଙ୍କୁ କୁଖ୍ୟାତ ଅପରାଧ / ଆତଙ୍କବାଦୀ କୁ ଧରିବା ଭଳି ବଜାର ରେ ଗିରଫ କରି ଚଲାଇ ଚଲାଇ ନେବା ଅତ୍ୟନ୍ତ ନିନ୍ଦନୀୟ । ସବୁ ସାମ୍ବାଦିକ ଙ୍କ ପାଇଁ ଏହା ଥିବାରୁ ଏଭଳି ଘଟଣା ଘଟୁଛି ବୋଲି ସମସ୍ତେ ମତ ଦେଇଥିବା ବେଳେ ଏହା ଏକ ଘୋର ଲଜ୍ଜା ଜନକ ଘଟଣା ବୋଲି ମତ୍ତ ଦେଇଛନ୍ତି । ତେବେ ସାମ୍ବାଦିକ ମାନେ ଅସଂଗଠିତ ହୋଇ ରହିବା ଓ ରାଜ୍ଯରେ ଏକାଧିକ ସଂଘ ଥିବା ବେଳେ ଏପେରି ଏକ ସମ୍ବେଦନଶୀଳ ଘଟଣା ରେ ମୁହଁ ନ ଖୋଲିବା ଏକ ହାସ୍ୟାସ୍ପଦ ଚିନ୍ତନ ବୋଲି ଅନେକ ବରିଷ୍ଠ ସାମ୍ବାଦିକ ମତ୍ତ ଦେଇଛନ୍ତି , ତେବେ ଏ ସଂପର୍କରେ ଯଦି ଜିଲ୍ଲା ପୋଲିସ କୌଣସି କର୍ଜୟାନୁଷ୍ଠାନ ଗ୍ରହଣ ନ କରେ ତେବେ ସାମ୍ବାଦିକ ସଂଘ ପୋଲିସ ଡିଜି ଙ୍କ ଦୃଷ୍ଟି ଆକର୍ଷଣ କରିବେ ବୋଲି କହିଛନ୍ତି । ବରିଷ୍ଠ ସାମ୍ବାଦିକ ,ଆଇନଜୀବୀ ତଥା ମାନବାଧିକାର କର୍ମୀ ସୁନାକର ଦାସ ଗଭୀର ଉଦବେଗ ପ୍ରକାଶ କରି ଆଇନ ର ସୀମା ଲଂଘନ କରିଛନ୍ତି ଭୁବନ ଥାନାଧୁକାରୀ ସୌଭାଗ୍ୟ କୁମାର ସାଇଁ । ଆଇନ ର ରକ୍ଷାକାରୀ ହୋଇ ସେ ଆଇନ ଭଙ୍ଗ କରିଛନ୍ତି । ସେ ଅପରାଧ କରିଛନ୍ତି,ତେଣୁ ତାଙ୍କୁ ଦଣ୍ଡ ମିଳିବା ଉଚିତ । ଡିଜି ପୋଲିସ ଅଭିଯୁକ୍ତ ଥାନାଧୁକାରୀ ଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନେବାକୁ ଶ୍ରୀଯୁକ୍ତ ଦାସ ଦାବି କରିଛନ୍ତି । ଅନୁରୂପ ଭାବେ ବରିଷ୍ଠ ନାରୀନେତ୍ରୀ ତଥା କଳିଙ୍ଗ ସେଚ୍ଛାସେବୀ ସଂଗଠନ ସଭାନେତ୍ରୀ ଶ୍ରୀମତୀ ସବିତା ପୃଷ୍ଟି ବହୁ ବେଆଇନ କାର୍ଯ୍ୟରେ ଲିପ୍ତଥିବା ଭୁବନ ଥାନାଧୁକାରୀଙ୍କ ନାମରେ ମାମଲା ରୁଜ୍ଜୁ ସହିତ ଚାକିରିରୁ ନିଲମ୍ବନ ଦାବି କରିଛନ୍ତି ।
