୯୫୦ କୋଟି ରୋଜଗାର କଲାଣି ‘ପଠାନ’
ଜବରଦସ୍ତ ରେକର୍ଡ
Onm
ବିବାଦ ସତ୍ତ୍ୱେ ଜବରଦସ୍ତ ରେକର୍ଡ ଅଭିମୁଖେ ‘ପଠାନ’
ମୁମ୍ବାଇ: ଜାନୁୟାରୀ ୨୫ରେ ମୁକ୍ତିଲାଭ କରିଥିବା ଶାହାରୁଖ ଖାନ୍ଙ୍କ ଫିଲ୍ମ ‘ପଠାନ’ ବକ୍ସ ଅଫିସରେ ଜବରଦସ୍ତ ରେକର୍ଡ ସୃଷ୍ଟି କରିଛି। ପ୍ରେକ୍ଷାଳୟରେ ୩ ସପ୍ତାହରୁ ଅଧିକ ସମୟ ଧରି ଏହା ଚାଲିଥିଲେ ମଧ୍ୟ ଆଜି ବି ହାଉସ୍ ଫୁଲ୍ ରହୁଛି। ସପ୍ତାହ ଶେଷରେ ଭାରତରେ ରୋଜଗାରରେ ଦେଖାଯାଇଥିବା ଜମ୍ପ୍ ପରେ ବର୍ତ୍ତମାନ ଏହି ଫିଲ୍ମ ବିଶ୍ୱବ୍ୟାପୀ ରୋଜଗାର କରିବାରେ ଏକ ନୂତନ ରେକର୍ଡ ସୃଷ୍ଟି କରିଛି।
ସିଦ୍ଧାର୍ଥ ଆନନ୍ଦ ନିର୍ଦ୍ଦେଶିତ ଏବଂ ଶାହାରୁଖଙ୍କ ଅଭିନୀତ ଫିଲ୍ମ ‘ପଠାନ’ରେ ଦର୍ଶକମାନେ କିଙ୍ଗ୍ଖାନଙ୍କ ଅଭିନୟ ଦେଖିବା ସହିତ ଆକ୍ସନ ଏବଂ ରୋମାଞ୍ଚକର ଦୃଶ୍ୟ ମଧ୍ୟ ଦେଖିବାକୁ ପାଇଥିଲେ। ଏହି ଫିଲ୍ମ ପ୍ରଥମ ଦିନରୁ ଦର୍ଶକଙ୍କୁ ଆକର୍ଷିତ କରିଆସୁଛି। ଏହା ମଧ୍ୟ କୁହାଯାଉଛି ଯେ, ଆଜି ବି କିଙ୍ଗ୍ଖାନଙ୍କ ଷ୍ଟାରଡମ୍ ସାରା ବିଶ୍ୱରେ ଜୀବନ୍ତ ଅଛି। ‘ଦଙ୍ଗଲ’, ‘କେଜିଏଫ୍ ୨’କୁ ପଛରେ ପକାଇ ‘ପଠାନ’ ବିଶ୍ୱରେ ଏକ ନୂତନ ସ୍ଥାନ ହାସଲ କରିଛି। ଯାହା ପ୍ରଶଂସନୀୟ। ବାସ୍ତବରେ ‘ପଠାନ’ ସର୍ବଭାରତୀୟ ସ୍ତରରେ ୯୫୦ କୋଟି ଟଙ୍କା ଅତିକ୍ରମ କରିଛି। ଏଭଳି ପରିସ୍ଥିତିରେ ଖୁବ୍ଶୀଘ୍ର ‘ପଠାନ’ ୧୦୦୦ କୋଟି ଟଙ୍କାର କ୍ଲବରେ ପ୍ରବେଶ କରିବ ବୋଲି ଆଶା କରାଯାଉଛି।
