ପ୍ରଧାନମନ୍ତ୍ରୀ ଭାରତୀୟ ଜନୌଷଧି କେନ୍ଦ୍ର ଉଦଘାଟିତ

ଆଜି ତା ୧୬/୦୪/୨୦୨୪ରିଖ ରେ ଖୋର୍ଦ୍ଧା ଅନ୍ତର୍ଗତ କେଶୁରା ନିକଟସ୍ଥ କୋରଡକଣ୍ଟା ଗ୍ରାମରେ ପ୍ରଧାନମନ୍ତ୍ରୀ ଭାରତୀୟ ଜନୌଷଧି କେନ୍ଦ୍ର ଉଦଘାଟିତ ହୋଇଯାଇଛି । ଏହି ଅବସରରେ ଓଡିଆ ଚଳଚ୍ଚିତ୍ର ଜଗତର ଖ୍ୟାତନାମା ଅଭିନେତ୍ରୀ ଅର୍ଚ୍ଚିତା ସାହୁ ମୁଖ୍ୟ ଅତିଥି ଭାବେ ଯୋଗଦେଇ ଜନୌଷଧି କେନ୍ଦ୍ର କୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ ।

ଅନ୍ୟ ଅତିଥିଙ୍କ ମଧ୍ୟରେ ସମାଜସେବୀ ମହେନ୍ଦ୍ର ପୃଷ୍ଟି ଯୋଗଦେଇ ଜନୌଷଧି କେନ୍ଦ୍ର ର ଉତ୍ତରୋତ୍ତର କାମନା କରିଥିଲେ । ଏହି ଗ୍ରାମରେ କୌଣସି ଜନୌଷଧି କେନ୍ଦ୍ର ନ ଥିବାରୁ ଶ୍ରୀଯୁକ୍ତ ହିମାଂଶୁ ଶେଖର ପୃଷ୍ଟି ପ୍ରଧାନମନ୍ତ୍ରୀଙ୍କର ଏହି ଯୋଜନାକୁ ଲୋକ ମାନଙ୍କ ପାଖରେ ପହଞ୍ଚାଇବା ପାଇଁ ବିଗତ ଦିନରୁ ପ୍ରଚେଷ୍ଟା କରି ଆସୁଥିଲେ ।

ପରିଶେଷରେ ଶ୍ରୀଯୁକ୍ତ ପୃଷ୍ଟି ନିଜ ବନ୍ଧୁ ଓ ପରିବାରବର୍ଗଙ୍କ ସହାୟତାରେ ଉକ୍ତ କାର୍ଯ୍ୟକୁ କରିବାକୁ ସଫଳ ହୋଇଥିଲେ । ଏହି କେନ୍ଦ୍ରଟି ଖୋଲିବା ଦ୍ଵାରା ସ୍ଥାନୀୟ ଅଞ୍ଚଳ ବାସିନ୍ଦା ମାନେ ବହୁତ ସୁଲଭ ମୂଲ୍ୟରେ ସରକାର ସ୍ଵୀକୃତ ପ୍ରାପ୍ତ ଔଷଧ ପାଇପାରିବେ ।

ଏଥିରେ ବହୁ ସଂଖ୍ୟାରେ ଗ୍ରାମବାସୀ ମାନେ ଉପସ୍ଥିତ ରହି ନିଜ ଗ୍ରାମରେ ଜନୌଷଧି କେନ୍ଦ୍ର ଉନ୍ମୋଚିତ ହୋଇଥିବାରୁ ଅହେତୁକ ଖୁସି ହେବା ସହ ଶ୍ରୀଯୁକ୍ତ ପୃଷ୍ଟି ଙ୍କୁ ଧନ୍ୟବାଦ ଜଣାଇ ଥିଲେ ।

ରୋଗ ଧନୀ-ଗରିବ ଦେଖେନି । ଆମ ସମାଜରେ ଅନେକ ବ୍ୟକ୍ତି ବିଭିନ୍ନ ଜଟିଳ ରୋଗର ଶିକାର ହୁଅନ୍ତି । କିନ୍ତୁ ରୋଗ ଉପଶମ ପାଇଁ ଔଷଧ କିଣିବା ବେଳେବେଳେ କଷ୍ଟକର ହୋଇପଡେ । ଆର୍ଥିକ ଅଭାବ ରୋଗର କଷ୍ଟକୁ ଦୁଇଗୁଣା କରିଦିଏ । କାରଣ ବଜାରରେ ଉପଲବ୍ଧ ଔଷଧ ଦର ଆକାଶ ଛୁଆଁ । ଡାକ୍ତର ବତାଇଥିବା ଔଷଧ ସେବନ କରିବା ସମସ୍ତଙ୍କ ପାଇଁ ସହଜ ହୋଇପାରେନି । ଏହାକୁ ଦୃଷ୍ଟିରେ ରଖି ଭାରତ ସରକାର ଆରମ୍ଭ କରିଛନ୍ତି ପ୍ରୟାସ । ସ୍ବଳ୍ପ ମୂଲ୍ୟରେ କିପିର ଲୋକେ ଆବଶ୍ୟକୀୟ ଔଷଧ ପାଇପାରିବେ, ତା'ର ବ୍ୟବସ୍ତା କରିଛନ୍ତି ।

ଏଥିପାଇଁ ସ୍ଥାପନ ହୋଇଛି ଜନ ଔଷଧି କେନ୍ଦ୍ର, ଯେଉଁଠାରେ ସୁଲଭ ମୂଲ୍ୟରେ ମିଳେ ଆବଶ୍ୟକୀୟ ଔଷଧ । ମାତ୍ର ଏତେ ସବୁ ବ୍ୟବସ୍ତା ସତ୍ତ୍ବେ, ଲୋକଙ୍କ ପାଖରେ ଏହି ସୁବିଧା ପହଞ୍ଚି ପାରୁନାହିଁ । କାରଣ ଅଧିକାଂଶ ଲୋକେ ଜନଔଷଧିର ଉପାଦେୟତା ବାବଦରେ ଅବଗତ ନାହାନ୍ତି । ଏପରି ଏକ ସୁବିଧା ରହିଛି ବୋଲି ଅନେକ ଲୋକଙ୍କୁ ଜଣାନାହିଁ । ଏହାକୁ ଦୃଷ୍ଟିରେ ରଖି ପ୍ରକୃତ ହିତାଧିକାରୀ କିପରି ଏହି ସୁବିଧା ପାଇପାରିବ ସେଥିପାଇଁ ଜନ ଔଷଧି ଦିବସ ଆରମ୍ଭ କରାଯାଇଛି । ଏହି ଦିବସ ମାଧ୍ୟମରେ ଜନ ଔଷଧି କେନ୍ଦ୍ରରୁ ଔଷଧ କ୍ରୟ କରିବାକୁ ଲୋକଙ୍କୁ ପରାମର୍ଶ ଦିଆଯାଏ । କମ୍ ମୂଲ୍ୟରେ ମିଳୁଥିଲେ ମଧ୍ୟ ଏହି ଔଷଧ ଅନ୍ୟ ଦାମୀ ଔଷଧ ସହ ସମାନ ବୋଲି ଲୋକେ ଜାଣିବା ଆବଶ୍ୟକ, ତାହା ହିଁ ଏହି ଦିବସ ପାଳନର ମୁଖ୍ୟ ଉଦ୍ଦେଶ୍ୟ ।

ଜେନେରିକ୍ ମେଡିସିନ୍ କ'ଣ ? : ଜେନେରିକ୍ ମେଡିସିନ୍‌ରେ କୌଣସି ବ୍ରାଣ୍ଡ୍ ନଥାଏ । ଏହି ଔଷଧର ମୂଲ୍ୟ ଅନ୍ୟ ବ୍ରାଣ୍ଡ୍ ଅପେକ୍ଷାକୃତ କମ୍ ହୋଇଥାଏ । କିନ୍ତୁ ଏଗୁଡ଼ିକ ନିରାପଦ, ପ୍ରଭାବଶାଳୀ ଏବଂ ଲାଭଦାୟକ । ସରଳ ଭାଷାରେ କହିବାକୁ ଗଲେ, ମହଙ୍ଗା ଔଷଧକୁ କମ୍ ମୂଲ୍ୟରେ ବିକ୍ରି ହେଉଥିବା ମେଡିସିନ୍‌କୁ ଜେନେରିକ୍ ମେଡିସିନ୍ କୁହାଯାଏ । ସାଧାରଣ ବର୍ଗର ଲୋକଙ୍କ ପାଇଁ ଏପରି ଏକ ନିଆରା ପ୍ରୟାସ ଆରମ୍ଭ କରାଯାଇଛି ।

ଇତିହାସ : ନଭେମ୍ବର 2008ରେ ରସାୟନ ଏବଂ ଉର୍ବରକ ମନ୍ତ୍ରାଳୟ, ଭାରତ ସରକାରଙ୍କ ଫାର୍ମାସ୍ୟୁଟିକାଲ ବିଭାଗ ଦ୍ବାରା ପ୍ରଧାନମନ୍ତ୍ରୀ ଭାରତୀୟ ଜନ ଔଷଧି ପରିଯୋଜନା(PMBJP) ଆରମ୍ଭ ହୋଇଥିଲା । ଏହି ଯୋଜନା ଅଧୀନରେ ଦେଶର ବିଭିନ୍ନ ସ୍ଥାନରେ ଜନ ଔଷଧି କେନ୍ଦ୍ର ସ୍ଥାପନ କରାଯାଇଛି । ବାସ୍ତବରେ ଲୋକେ କିପରି ଏଥିପାଇଁ ଜାଗୃତ ରହିବେ, ସେଥିପାଇଁ ପ୍ରୟାସ ଆରମ୍ଭ କରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । 7 ମାର୍ଚ୍ଚ 2019 ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜନଔଷଧି ଦିବସ ପାଳନ କରିବାକୁ ଘୋଷଣା କରିଥିଲେ । ଲୋକଙ୍କ ନିକଟରେ କିପରି ଏହି ସୁବିଧା ପହଞ୍ଚିପାରିବ ସେହି ଉଦ୍ଦେଶ୍ୟରେ ଏକ ନିର୍ଦ୍ଦିଷ୍ଟ ଦିବସ ପାଳନର ଆବଶ୍ୟକତା ରହିଛି ବୋଲି ପ୍ରଧାନମନ୍ତ୍ରୀ ମୋଦି ହୃଦୟଙ୍ଗମ କରିଥିଲେ ।

ଜେନେରିକ ଔଷଧର ସୁବିଧା : ବର୍ତ୍ତମାନ 9 ହଜାରରୁ ଅଧିକ ଜନଔଷଧି କେନ୍ଦ୍ରରେ 50% ରୁ 90% ଔଷଧ କମ୍ ମୂଲ୍ୟରେ ଉପଲବ୍ଧ ହେଉଛି । ଜେନେରିକ୍ ମେଡିସିନ୍ ଏବଂ ଜେନେରିକ୍ ମେଡିକାଲର ଉପଲବ୍ଧତା ବିଷୟରେ କହିବାକୁ ଗଲେ, 31 ଜାନୁଆରୀ 2023 ସୁଦ୍ଧା ଦେଶର ମୋଟ 766 ଜିଲ୍ଲା ମଧ୍ୟରୁ 743ଟି ଜିଲ୍ଲାରେ 9 ହଜାର 82ଟି ପ୍ରଧାନମନ୍ତ୍ରୀ ଭାରତୀୟ ଜନ ଔଷଧି କେନ୍ଦ୍ର ସ୍ଥାପନ ହୋଇସାରିଛି । ଏଥିମଧ୍ୟରୁ 1,759ଟି କେନ୍ଦ୍ରରେ ମେଡିସିନ୍ ଏବଂ 280ଟି କେନ୍ଦ୍ରରେ ସର୍ଜିକାଲ୍ ଉପକରଣ ସୁଲଭ ମୂଲ୍ୟରେ ଉପଲବ୍ଧ ହେଉଛି । ପ୍ରୋଟିନ୍ ପାଉଡର, ମାଲ୍ଟ-ବେସ୍‌ଡ ଖାଦ୍ୟ ସପ୍ଲିମେଣ୍ଟ, ପ୍ରୋଟିନ୍ ବାର୍, ଇମ୍ୟୁନିଟି ବାର୍, ସାନିଟାଇଜର୍, ଅକ୍ସିମିଟର ଏବଂ ନ୍ୟୁଟ୍ରାସ୍ୟୁଟିକଲ୍ସ ପ୍ରଡକ୍ଟ ମଧ୍ୟ ଉପଲବ୍ଧ ହେଉଛି । ସବୁଠୁ ବଡ କଥା ହେଉଛି କି ଚଳିତ ବର୍ଷ ଶେଷ ସୁଦ୍ଧା ଆହୁରି 10 ହଜାର ଜନ ଔଷଧି କେନ୍ଦ୍ର ସ୍ଥାପନ ପାଇଁ ଲକ୍ଷ୍ୟ ରଖିଛନ୍ତି ସରକାର । ତେଣୁ ସଚେତନ ହୁଅନ୍ତୁ ଏବଂ ସ୍ବଳ୍ପ ମୂଲ୍ୟରେ ଜନ ଔଷଧିରୁ ମେଡିସିନ୍ ଗ୍ରହଣ କରି ସୁସ୍ଥ ରୁହନ୍ତୁ ।

ପ୍ରଧାନମନ୍ତ୍ରୀ ଭାରତୀୟ ଜନଔଷଧୀ ପରିଯୋଜନା (ପିଏମବିଜେପି)ର ଲକ୍ଷ୍ୟ ହେଲା କମ୍ ଦାମରେ ଉନ୍ନତମାନର ଔଷଧ ଉପଲବ୍ଧ କରାଇବା ପାଇଁ ସାରା ଦେଶରେ ହଜାର ହଜାର ଜନଔଷଧି କେନ୍ଦ୍ର ଖୋଲାଯାଇଛି, ଯେଉଁଠାରେ ବଜାର ଦର ତୁଳନାରେ ୫୦ରୁ ୯୦ ପ୍ରତିଶତ ଶସ୍ତାରେ ଔଷଧ ବିକ୍ରି ହେଉଛି। ଏହା କେବଳ ଗରିବ ନୁହେଁ, ମଧ୍ୟବିତ୍ତ ବର୍ଗଙ୍କୁ ମଧ୍ୟ ବହୁତ ଉପକୃତ କରିଛି  ।

ଏହି ଯୋଜନା ପୃଷ୍ଠଭୂମି-

• ପ୍ରଧାନମନ୍ତ୍ରୀ ଭାରତୀୟ ଜନଔଷଧୀ ପରିଯୋଜନା (ପିଏମବିଜେପି) ହେଉଛି ପ୍ରଧାନମନ୍ତ୍ରୀ ଭାରତୀୟ ଜନଔଷଧୀ କେନ୍ଦ୍ର (ପିଏମବିଜେକେ) ନାମରେ ପରିଚିତ ।
• ଉତ୍ସର୍ଗୀକୃତ ଆଉଟଲେଟ ମାଧ୍ୟମରେ ଜନସାଧାରଣଙ୍କୁ ସୁଲଭ ମୂଲ୍ୟରେ ଗୁଣାତ୍ମକ ଔଷଧ ଯୋଗାଇବା ପାଇଁ ଔଷଧ ବିଭାଗ ଦ୍ୱାରା ନଭେମ୍ବର, ୨୦୦୮ରେ ଆରମ୍ଭ କରାଯାଇଥିବା ଏକ ଅଭିଯାନ ।
• ସେମାନେ ବହୁତ କମ୍ ମୂଲ୍ୟରେ ଜେନେରିକ ଔଷଧ ପ୍ରଦାନ କରନ୍ତି । ଖୋଲା ବଜାରରେ ମିଳୁଥିବା ଦାମୀ ବ୍ରାଣ୍ଡେଡ୍ ଔଷଧ ଭଳି ଏହି ଔଷଧର ଶକ୍ତି ସମାନ।
• ଜନଔଷଧୀ ଯୋଜନା ଅନୁଯାୟୀ ଦେଶର ପ୍ରତ୍ୟେକ ଜିଲ୍ଲାରେ ଅତି କମରେ ଗୋଟିଏ ଜନଔଷଧୀ ଷ୍ଟୋର ସ୍ଥାପନ କରିବା ଆବଶ୍ୟକ ।
  

  ପରିଯୋଜନାର ଉଦ୍ଦେଶ୍ୟ

  • ସବୁ ବର୍ଗର ଲୋକଙ୍କ ପାଇଁ ବିଶେଷ କରି ଗରିବ ଓ ବଞ୍ଚିତଙ୍କ ପାଇଁ ଗୁଣାତ୍ମକ ଔଷଧ ଉପଲବ୍ଧ ହେବା ନିଶ୍ଚିତ କରନ୍ତୁ।
  • ଗୁଣାତ୍ମକ ମାନ ଉଚ୍ଚ ମୂଲ୍ୟର ସମକକ୍ଷ ବୋଲି ଧାରଣାକୁ ପ୍ରତିହତ କରିବା ପାଇଁ ଶିକ୍ଷା ଏବଂ ପ୍ରଚାର ମାଧ୍ୟମରେ ଜେନେରିକ ଔଷଧ ବିଷୟରେ ସଚେତନତା ସୃଷ୍ଟି କରନ୍ତୁ ।
  • ପ୍ରଧାନମନ୍ତ୍ରୀ ଭାରତୀୟ ଜନଔଷଧୀ ପରିଯୋଜନା (ପିଏମବିଜେପି) ଖୋଲିବାରେ ବ୍ୟକ୍ତିଗତ ଉଦ୍ୟୋଗୀମାନଙ୍କୁ ନିୟୋଜିତ କରି ରୋଜଗାର ସୃଷ୍ଟି କରିବା

  ପିଏମବିଜେପି: ପ୍ରଗତି କାର୍ଡ

  • ମେ ୨୦୧୪ ସୁଦ୍ଧା ବଛା ବଛା ରାଜ୍ୟରେ ମାତ୍ର ୮୦ଟି ‘ଜନଔଷଧି ଷ୍ଟୋର’ କାର୍ଯ୍ୟକ୍ଷମ ଥିଲା ।
  • ସରକାର ସେପ୍ଟେମ୍ବର ୨୦୧୫ରେ ‘ଜନଔଷଧୀ ଯୋଜନା’କୁ ‘ପ୍ରଧାନମନ୍ତ୍ରୀ ଜନଔଷଧୀ ଯୋଜନା’ (ପିଏମଯେଏୱାଇ) ଭାବରେ ସଂଶୋଧନ କରିଥିଲେ ।
  • ଏହି ଯୋଜନାକୁ ଅଧିକ ତ୍ୱରାନ୍ୱିତ କରିବା ପାଇଁ ଏହାକୁ ପୁନର୍ବାର ପ୍ରଧାନମନ୍ତ୍ରୀ ଭାରତୀୟ ଜନଔଷଧୀ ପରିଯୋଜନା (ପିଏମବିଜେପି) ନାମରେ ନାମିତ କରାଯାଇଥିଲା ।
  • ୨୦୨୨ ଜାନୁଆରି ୩୧ ସୁଦ୍ଧା ଷ୍ଟୋର୍ ସଂଖ୍ୟା ୮,୬୭୫କୁ ବୃଦ୍ଧି ପାଇଛି। ପିଏମବିଜେପି ଅଧୀନରେ ଦେଶର ସମସ୍ତ ୭୩୯ ଟି ଜିଲ୍ଲାକୁ ଅନ୍ତର୍ଭୁକ୍ତ କରାଯାଇଛି । ଏହି ଯୋଜନା ଦ୍ୱାରା ଦେଶର କୋଣ ଅନୁକୋଣରେ ଲୋକଙ୍କ ପାଖରେ ସୁଲଭ ମୂଲ୍ୟର ଔଷଧ ସହଜରେ ପହଞ୍ଚିପାରିବ । ବର୍ତ୍ତମାନ ସୁଦ୍ଧା ୯୪୦୦ ଟି କେନ୍ଦ୍ର ସମଗ୍ର ଦେଶରେ ରହିଥିବା ବେଳେ ୨୦୨୫ ମାର୍ଚ୍ଚ ଶେଷ ସୁଦ୍ଧା ପ୍ରଧାନମନ୍ତ୍ରୀ ଭାରତୀୟ ଜନଔଷଧି କେନ୍ଦ୍ରସଂଖ୍ୟା ୧୦,୫୦୦କୁ ବୃଦ୍ଧି କରିବାକୁ କେନ୍ଦ୍ର ସରକାର ଲକ୍ଷ୍ୟ ରଖିଛନ୍ତି।
  • ଔଷଧ ଏବଂ ଷ୍ଟକ୍ ସ୍ଥିତିର ବାସ୍କେଟ୍ – ବିପିପିଆଇର ଉତ୍ପାଦ ବାସ୍କେଟରେ ୧୪୫୧ ଔଷଧ ଏବଂ ୨୪୦ ଅସ୍ତ୍ରୋପଚାର ଉପକରଣ ଏବଂ ଉପଭୋକ୍ତା ସାମଗ୍ରୀ ରହିଛି । ଏହା ଏକ ନିରନ୍ତର ପ୍ରକ୍ରିୟା ହୋଇଥିବାରୁ ନିୟମିତ ଭାବେ ଆବଶ୍ୟକୀୟ ଔଷଧ ପାଇଁ ଟେଣ୍ଡର ଆହ୍ବାନ କରାଯାଏ। ତେଣୁ ଅତ୍ୟାବଶ୍ୟକ ଔଷଧ ଯେପରି ସହଜରେ ଉପଲବ୍ଧ ହୁଏ, ସେଥିପାଇଁ ପିଏମ୍ବିଜେପିର ପ୍ରଡକ୍ଟ ବାସ୍କେଟ୍ ବଢ଼ାଇବା ପାଇଁ ନିୟମିତ ପ୍ରୟାସ କରାଯାଉଛି।
  • ଏହାବ୍ୟତୀତ ପ୍ରୋଟିନ୍ ପାଉଡର, ମାଲ୍ଟ ଭିତ୍ତିକ ଫୁଡ୍ ସପ୍ଲିମେଣ୍ଟ, ପ୍ରୋଟିନ୍ ବାର୍, ଇମ୍ୟୁନିଟି ବାର୍, ସାନିଟାଇଜର, ମାସ୍କ, ଗ୍ଲୁକୋମିଟର, ଅକ୍ସିମିଟର ଆଦି ନୂଆ ଔଷଧ ଓ ନ୍ୟୁଟ୍ରାସ୍ୟୁଟିକାଲ ପ୍ରଡକ୍ଟ ଲଞ୍ଚ କରାଯାଇଛି।
  • ସୂଚନା ପ୍ରଯୁକ୍ତି ବିଦ୍ୟା (ଆଇଟି) ସକ୍ଷମ ଏଣ୍ଡ-ଟୁ-ଏଣ୍ଡ ଯୋଗାଣ ଶୃଙ୍ଖଳା ବ୍ୟବସ୍ଥା ସହିତ ମୂଲ୍ୟ ସଂଯୋଜିତ ସେବା ଗୁଡିକ ପାଇଁ ପଏଣ୍ଟ-ଅଫ୍ ସେଲ୍ (ପିଓଏସ୍) ଆପ୍ଲିକେସନ୍ ପିଏମବିଜେପିରେ କାର୍ଯ୍ୟକାରୀ କରାଯାଇଛି।
  • ବର୍ତ୍ତମାନ ଗୁରୁଗ୍ରାମ, ଚେନ୍ନାଇ ଏବଂ ଗୌହାଟୀରେ ପିଏମବିଜେପିର ତିନୋଟି ଆଇଟି-ସକ୍ଷମ ଗୋଦାମ କାର୍ଯ୍ୟକରୁଛି ଏବଂ ଚତୁର୍ଥ ଗୋଦାମ ସୁରଟରେ କାର୍ଯ୍ୟ ଆରମ୍ଭ କରିବାକୁ ପ୍ରସ୍ତୁତ ଅଛି । ଦୁର୍ଗମ ଓ ଗ୍ରାମାଞ୍ଚଳକୁ ଔଷଧ ଯୋଗାଣ ପାଇଁ ସମଗ୍ର ଦେଶରେ ୩୯ ଜଣ ବିତରକ ଙ୍କୁ ନିଯୁକ୍ତ କରାଯାଇଛି।
  • ସାନିଟାରୀ ପ୍ୟାଡ୍ ୮୬୦୦ରୁ ଅଧିକ ପିଏମ୍ବିଜେପି ଷ୍ଟୋରରେ ମାତ୍ର ୧ ଟଙ୍କାରେ ବିକ୍ରି ହେଉଛି। ଏହି ପ୍ୟାଡ୍ ଗୁଡ଼ିକ ଆରାମଦାୟକ ଏବଂ ପରିବେଶ ଅନୁକୂଳ ଅଟେ । ୩୧ ଜାନୁଆରୀ ୨୦୨୨ ସୁଦ୍ଧା ୨୧.୧୩ କୋଟିରୁ ଅଧିକ ଜନଔଷଧୀ ସୁବିଧା ସାନିଟାରୀ ପ୍ୟାଡ୍ ବିକ୍ରି ହୋଇଛି।
  • ଜନଔଷଧୀ କେନ୍ଦ୍ରଗୁଡ଼ିକ ଏବେ ସାଧାରଣ ଲୋକଙ୍କ ପାଇଁ ସମାଧାନ କେନ୍ଦ୍ର ପାଲଟିଛି । କ୍ୟାନସର, ଯକ୍ଷ୍ମା, ମଧୁମେହ, ହୃଦରୋଗ ଭଳି ରୋଗର ଚିକିତ୍ସା ପାଇଁ ଆବଶ୍ୟକ ୮୦୦ରୁ ଅଧିକ ଔଷଧର ମୂଲ୍ୟ କୁ ସରକାର ନିୟନ୍ତ୍ରଣ କରିଛନ୍ତି। ପୁଷ୍ଟିହୀନତା ଏବଂ ଆଣ୍ଠୁ ପ୍ରତିରୋପଣ ଖର୍ଚ୍ଚ କୁ ମଧ୍ୟ ନିୟନ୍ତ୍ରଣରେ ରଖିବାକୁ ସରକାର ସୁନିଶ୍ଚିତ କରିଛନ୍ତି। ଆୟୁଷ୍ମାନ ଭାରତ ଯୋଜନା ପରିସରରେ ୫୦ କୋଟିରୁ ଅଧିକ ଲୋକ ଅଛନ୍ତି ବୋଲି ସେ ସୂଚନା ଦେଇଛନ୍ତି। ୩ କୋଟିରୁ ଅଧିକ ଲୋକ ଏହି ଯୋଜନାର ଲାଭ ନେଇଛନ୍ତି ଏବଂ ଗରିବ ଓ ମଧ୍ୟବିତ୍ତ ବର୍ଗର ୭୦, ୦୦୦କୋଟି ଟଙ୍କା ସଞ୍ଚୟ କରିଛନ୍ତି। ପିଏମ ନ୍ୟାସନାଲ ଡାଏଲିସିସ କାର୍ଯ୍ୟକ୍ରମ ରେ ୫୫୦ କୋଟି ଟଙ୍କା ସଞ୍ଚୟ ହୋଇଛି । ଆଣ୍ଠୁ ପ୍ରତିରୋପଣ ଏବଂ ଔଷଧ ମୂଲ୍ୟ ନିୟନ୍ତ୍ରଣ ରେ ୧୩,୦୦୦ କୋଟି ଟଙ୍କା ସଞ୍ଚୟ ହୋଇଛି।

  FAQ

  ପିଏମବିଜେପିରେ ବିପିପିଆଇର ଭୂମିକା କ’ଣ?

  ଜେନେରିକ ଔଷଧର ବିକ୍ରି, ମାର୍କେଟିଂ, ଯୋଗାଣ ଏବଂ କ୍ରୟରେ ସମନ୍ୱୟ ରକ୍ଷା କରିବା ପାଇଁ ସିପିଏସ୍ୟୁଗୁଡ଼ିକୁ ସହାୟତା କରିବା ପାଇଁ ଭାରତ ସରକାରଙ୍କ ଔଷଧ ବିଭାଗ ଏକ ବ୍ୟୁରୋ ଅଫ୍ ଫାର୍ମା ପବ୍ଲିକ୍ ସେକ୍ଟର ଅଣ୍ଡରଟେକିଂସ୍ ଅଫ୍ ଇଣ୍ଡିଆ ପ୍ରତିଷ୍ଠା କରିଛି। ପ୍ରଧାନମନ୍ତ୍ରୀ ଭାରତୀୟ ଜନଔଷଧି କେନ୍ଦ୍ର ମାଧ୍ୟମରେ ଏହି ଔଷଧଗୁଡ଼ିକ ସ୍ୱାସ୍ଥ୍ୟ ସେବା ପ୍ରଦାନକାରୀଙ୍କୁ ବଣ୍ଟନ କରାଯାଏ । କୋଭିଡ୍-୧୯ ସମୟରେ ଲୋକଙ୍କୁ ସୁଲଭ ମୂଲ୍ୟରେ ଔଷଧ ଓ ମାସ୍କ ଭଳି ଅନ୍ୟାନ୍ୟ ଫାର୍ମା ଉତ୍ପାଦ ଯୋଗାଣ ସୁନିଶ୍ଚିତ କରିବା ପାଇଁ ବ୍ୟୁରୋ ଅଫ୍ ଫାର୍ମା ପିଏସ୍ୟୁ ଅଫ୍ ଇଣ୍ଡିଆ (ବିପିପିଆଇ)କୁ ପ୍ରଶଂସା କରାଯାଇଥିଲା।

  ଜନ ଔଷଧି କେନ୍ଦ୍ର ଗୁଡ଼ିକ କ’ଣ?

  ବ୍ୟୁରୋ ଅଫ୍ ଫାର୍ମା ପିଏସ୍ୟୁ ଇନ୍ ଇଣ୍ଡିଆ (ବିପିପିଆଇ) ପ୍ରଧାନମନ୍ତ୍ରୀ ଭାରତୀୟ ଜନଔଷଧୀ ପରିଯୋଜନାର ଏକ ଅଂଶ ଭାବରେ ଜନ ଔଷଧି କେନ୍ଦ୍ର ଚଳାଉଛନ୍ତି। ଏସବୁ କେନ୍ଦ୍ରରୁ ସମସ୍ତଙ୍କୁ ଗୁଣାତ୍ମକ ଜେନେରିକ୍ ଔଷଧ ଉପଲବ୍ଧ ହେଉଛି। ଦେଶର ୭୨୬ଟି ଜିଲ୍ଲାରେ ଜନ ଔଷଧି କେନ୍ଦ୍ର ରହିଛି। ୨୦୨୦-୨୧ ରେ ଦେଶରେ ଜନଔଷଧି କେନ୍ଦ୍ରର କାରବାର ପ୍ରାୟ ୬୦୦ କୋଟି ଟଙ୍କା ଛୁଇଁଛି। ଏବେ କେନ୍ଦ୍ର ସଂଖ୍ୟା ୭,୫୦୦ ରହିଛି। ପ୍ରଧାନମନ୍ତ୍ରୀ ଭାରତୀୟ ଜନଔଷଧୀ ପ୍ରକଳ୍ପର ପ୍ରଡକ୍ଟ ବାସ୍କେଟ ୨୦୧୪ରେ ମାତ୍ର ୧୩୧ଟି ଉତ୍ପାଦ ଥିବା ବେଳେ ୧୪୪୯ଟି ଔଷଧ ଓ ୨୦୪ଟି ସର୍ଜିକାଲ ଆଇଟମକୁ ବୃଦ୍ଧି ପାଇଛି ।

  ଜନ ଔଷଧି ସୁଗମ୍ ଆପ୍ଲିକେସନ୍ କଣ?

  ପିଏମବିଜେପି ଏକ ମୋବାଇଲ ଆପ୍ଲିକେସନ୍ ଉନ୍ମୋଚନ କରିଛି, ଯାହା ଦ୍ୱାରା ଲୋକମାନେ ସେମାନଙ୍କ ଆଖପାଖ ଅଞ୍ଚଳରେ ଜନଔଷଧୀ କେନ୍ଦ୍ରଗୁଡ଼ିକୁ ଚିହ୍ନଟ କରିବାରେ ସାହାଯ୍ୟ କରିପାରିବେ । ଯେହେତୁ ସ୍ମାର୍ଟଫୋନ୍ ସମାଜର ସମସ୍ତ ଗୋଷ୍ଠୀଙ୍କ ପାଇଁ ଉପଲବ୍ଧ, ତେଣୁ ପିଏମବିଜେପି ଉପଲବ୍ଧ ଟେକ୍ନୋଲୋଜି ମାଧ୍ୟମରେ ସେମାନଙ୍କ ସୁଲଭ ସ୍ୱାସ୍ଥ୍ୟସେବା ଯୋଜନାକୁ ପ୍ରୋତ୍ସାହିତ କରିବାକୁ ଲକ୍ଷ୍ୟ ରଖାଯାଇଛି । ସୁଲଭ ସ୍ୱାସ୍ଥ୍ୟସେବା ଖୋଜୁଥିବା ବ୍ୟକ୍ତି ଏହି ପିଏମବିଜେକେକୁ ସହଜରେ ପାଇପାରିବେ ଏବଂ ଯଥେଷ୍ଟ କମ୍ ଖର୍ଚ୍ଚରେ ଜେନେରିକ ଔଷଧ ପାଇପାରିବେ ।