ଯୁବ ପିଢ଼ିଙ୍କ ଦାୟିତ୍ବରେ ସାମାଜିକ ପରିବର୍ତ୍ତନ ସମ୍ଭବ
ଯୁବ ପିଢ଼ିଙ୍କ ଦାୟିତ୍ବରେ ସାମାଜିକ ପରିବର୍ତ୍ତନ ସମ୍ଭବ।ଅନ୍ତରଙ୍ଗ ଯୁବ ମହାସଂଘ ପକ୍ଷରୁ ଯୁବ ପାଣିଙ୍କ ପାଇଁ ମାନବାଧିକାର ତାଲିମ୍ ଅନୁଷ୍ଠିତ
ONM_News
କନ୍ଧମାଳ ଆକ୍ସନଏଡ୍, ଭୁବନେଶ୍ୱର ସହାୟତାରେ ଅନ୍ତରଙ୍ଗ ଯୁବ ମହାସଂଘ କନ୍ଧମାଳ ପକ୍ଷରୁ ଆୟୋଜିତ ସ୍ବେଛାସେବୀ ଅନୁଷ୍ଠାନ ଜାଗୃତି, ଦାରିଙ୍ଗବାଡିଠାରେ ଦିନିକିଆ ମାନବିକ ଅଧିକାର ଓ ସାମାଜିକ ଓ ଅର୍ଥନୈତିକ ନ୍ୟାୟ ପ୍ରତିରକ୍ଷା ତାଲିମ ଅନୁଷ୍ଠିତ ହୋଇଯାଇଛି।
କନ୍ଧମାଳ ଜିଲ୍ଲାର ୧୨ଟି ବ୍ଲକରୁ ୪୦ ଜଣ ଯୁବ ମହାସଂଘର ସଦସ୍ୟ, ସଦସ୍ୟା ଓ ପ୍ରତିନିଧିଙ୍କୁ ନେଇ ଆୟୋଜିତ ତାଲିମରେ ଅତିଥି ଭାବେ ଜାଗୃତି ଅନୁଷ୍ଠାନର ସମ୍ପାଦକ କୈଳାସ ଚନ୍ଦ୍ର ଦଣ୍ଡପାଟ, ଅନ୍ତରଙ୍ଗ ଯୁବ ମହାସଂଘର ସଭାପତି ଦିଲ୍ଲୀପ କୁମାର ସାହୁ ଓ ସମ୍ପାଦକ ହୃଷିକେଶ ପ୍ରଧାନ, ଅହିଂସା ବିଚାର ଟ୍ରଷ୍ଟି ଶ୍ରୀ ସୋମ ତାଲିମଦାତା ଭାବେ ଓ ବ୍ଲକ ସଂଯୋଜକ ଅକ୍ଷୟ କୁମାର ନାୟକ ଯୋଗ ଦେଇଥିଲେ।
ସାମାଜିକ ପରିବର୍ତ୍ତନରେ ଯୁବ ପିଢ଼ିଙ୍କ ଦାୟିତ୍ଵ ଓ କର୍ତ୍ତବ୍ୟ ସହ ଏହାର ନେତୃତ୍ୱ କେବଳ ଯୁବୋଷ୍ଠୀଙ୍କ ଦ୍ଵାରା ସମ୍ଭବ ହୋଇଥାଏ ଏବଂ ସାମାଜିକ, ଆର୍ଥିକ, ସ୍ୱାଭିମାନ ଓ ମାନବିକ ଅଧିକାର ପାଇଁ ଅହିଂସା ଆନ୍ଦୋଳନର ଆବଶ୍ୟକତା ରହିଛି ଏବଂ ଏହାର ସଦୁପଯୋଗ କରିଲେ ସାମାଜିକ ନ୍ୟାୟ ମିଳିବା ସମ୍ଭବ ବୋଲି ଅତିଥିମାନେ ବ୍ୟକ୍ତ କରିଥିଲେ। ତାଲିମ ଦାତା ଶ୍ରୀ ସୋମ ବିଭିନ୍ନ ଖେଳ, ଗୀତ ଓ କଥା ମାଧ୍ୟମରେ ଯୁବ ପ୍ରତିନିଧିଙ୍କୁ ସେମାନଙ୍କର ଦାୟିତ୍ଵ, କର୍ତ୍ତବ୍ୟ ଓ ମାନବିକ ଅଧିକାର ବିଷୟରେ ତାଲିମ ପ୍ରଦାନ କରିଥିଲେ। ଅଞ୍ଚଳ ତଥା ଜିଲ୍ଲାରେ ହେଉଥିବା ବିଭିନ୍ନ ସମସ୍ୟାକୁ ଚିହ୍ନଟ କରି ପ୍ରକାଶ କରିବା ସହିତ ଯୁବ ପ୍ରତିନିଧିମାନେ ଯୁବ ପିଢ଼ି ଓ ବିଭିନ୍ନତା ମଧ୍ୟରେ ଏକତା ସୃଷ୍ଟି କରିବା ସହିତ ସମାଜର ପରିବର୍ତ୍ତନ,ସାମାଜିକ ନ୍ୟାୟ ଓ ମାନବ ଅଧିକାର ପାଇଁ ନିଜର ଭବିଷ୍ୟତ ମୂଲ୍ୟାୟନ କରିଥିଲେ।
ଏହି କାର୍ଯ୍ୟକ୍ରମକୁ ଅନ୍ତରଙ୍ଗର ସ୍ବେଛାସେବୀ ତଥା ଆକ୍ସନଏଡର ଗୋଷ୍ଠୀ ତାଲିମଦାତା ବିଷ୍ଣୁପ୍ରିୟା ପ୍ରଧାନ ପରିଚାଳନା କରିଥିବା ବେଳେ ସୁପ୍ରିୟା ନାୟକ,କୌଶଲ୍ୟା ସାହୁ, ଅକ୍ଷୟ କୁମାର ପରିଚ୍ଛା ଓ କୁଞ୍ଜବନ କହଁର ସହଯୋଗ କରିଥିଲେ।
କନ୍ଧମାଳ ଜିଲ୍ଲା ରୁ ମୃତ୍ୟୁଞ୍ଜୟ ଦିଗାଲ ଙ୍କ ରିପୋର୍ଟ
