ପାରାଦୀପ୍ ରେ ଚାଞ୍ଚଲ୍ଯ , ଜମି ମାଲିକାନା ନେଇ ଦୁଇ ପକ୍ଷ ମୁହାଁ ମୁହିଁ, ଘଟଣା ସ୍ଥଳରେ ଉତେଜନା
କବାଡିଆ ଖେଳୁଛି ଖେଳ, ଗୋଟିଏ ଜମି ର ଦୁଇ ଜଣ ଦାବିଦାର, ତାହା ପୁଣି ପାରାଦୀପ ପ୍ରବେଶ ପଥ ଦୋଛକି ଠାରେ
Onm
3252
ପାରାଦୀପ୍ – ଜମି ଏକ କିନ୍ତୁ ଏହାର ଦୁଇ ମାଲିକ ବୋଲି ଦାବିଦାର କରୁଛନ୍ତି l ଫଳରେ ଆଜି ମଧ୍ୟାହ୍ନ ରେ ଘଟଣା ସ୍ଥଳରେ ଉତେଜନା ପ୍ରକାଶ ପାଇବା ସହ ଲକ୍ ଥାନା ପୋଲିସ ଉକ୍ତ ଜମି ଉପରେ ପହଂଚି ଥିବା ଦେଖିବାକୁ ମିଳିଛି | କେନ୍ଦ୍ରାପଡ଼ା ଜିଲ୍ଲା ପାଟକୁରା ଥାନା ଅମେହି ପାଳ ର ଅନନ୍ତ ଚନ୍ଦ୍ର ଦାସ ଙ୍କ ପୁତ୍ର ପ୍ରଫୁଲ ଚନ୍ଦ୍ର ଦାସ କରିଥିବା ଅଭିଯୋଗ ଅନୁଯାଇ ପାରାଦୀପ୍ ଉଦୟବଟ ମୌଜା ର ଖାତା ନମ୍ବର 798 ର ପ୍ଳଟ ନମ୍ବର 1000 ର ଏକ ଏକର ଜାଗା କୁ 1999 ମସିହା ରେ ପ୍ରଚଳିତ ଚକବନ୍ଦୀ ରେ ତାଙ୍କ ପିତା ସ୍ଵର୍ଗତ ଅନନ୍ତ ଚନ୍ଦ୍ର ଦାସ ଙ୍କ ନାମରେ ଇଜିମାଇଲ ରେ ପଟ୍ଟା ପ୍ରଦାନ କରାଯାଇଛି | କିନ୍ତୁ ପାରାଦୀପ ଅଞ୍ଚଳ ର ଜଣେ ଜଣାଶୁଣା ଅଧିକାରୀ ଓ ତାଙ୍କ ର ପତ୍ନୀ ଏହି ଜାଗାକୁ ଜଣେ ବ୍ୟବସାୟୀ କୁ ପ୍ରଦାନ କରିବା ସହିତ 40 ଲକ୍ଷ ରୁ ଉର୍ଧ୍ଵ ଟଙ୍କା ନେଇଛନ୍ତି l ଆଗାମୀ ୫ ବର୍ଷ ମଧ୍ୟରେ ଜମିର ଅବଶିଷ୍ଟ ଟଙ୍କା ଦେଲେ ଜମିର ବ୍ୟବସାୟୀ ଙ୍କ ନାମରେ କରିଦେବାକୁ ପ୍ରତିଶୃତି ଦେଇଛନ୍ତି l କିନ୍ତୁ ଜମି ଦେବା ପରିବର୍ତ୍ତେ ବିଭିନ୍ନ ସମୟରେ ଅସାମାଜିକ ଯୁବକ ମାନଙ୍କୁ ନେଇ ଧମକ, ଚମକ ଦେବା ସହିତ ଜାଗା ଖାଲି କରିବାକୁ ଧମକ ଦେଇଆସୁଥିବା ନେଇ ବ୍ୟବସାୟୀ ଵର୍ତମାନ ସେଠାରେ କବାଡ଼ିଆ ଦୋକାନ କରିଥିବା ଜୈନିକ ବ୍ୟବସାୟୀ ଅଭିଯୋଗ ଆଣିଛନ୍ତି l
ଏହି ଜମିରୁ ବ୍ୟବସାୟୀ ଜଣକୁ ଉଛେଦ କରିବା ପାଇଁ ବିଭିନ୍ନ ଗଣମାଧ୍ୟମ ରେ ଖବର ପ୍ରକାଶ ପାଇବା ସହିତ ପୂର୍ବ ପ୍ରସ୍ତୁତି ଅନୁଯାୟୀ ଏହି ବରିଷ୍ଠ ଅଧିକାରୀ ଜଣକ କିଛି ମୁଷ୍ଟିମେୟ ବ୍ୟକ୍ତିବିଶେଷ ମାନଙ୍କୁ ସାଥିରେ ଧରି ଜମି ରୁ ବ୍ୟବସାୟୀ ଙ୍କୁ ଉଛେଦ କରିବା ପାଇଁ ଚଳାଇଥିବା କାର୍ଯ୍ୟକ୍ରମ ଆଜି ଫସର ଫାଟି ଯାଇଛି l ପାରାଦୀପ ଅଞ୍ଚଳ ର ଏହି ବରିଷ୍ଠ ଅଧିକାରୀ ଜଣକ ନିଜ ଜମି କହି ଉକ୍ତ କବାଡ଼ିଆ ବ୍ୟବସାୟୀ ଙ୍କ ଠାରୁ ଲକ୍ଷାଧିକ ଟଙ୍କା ନେଇ ସାରିଥିବା ବେଳେ ଏହି ଜାଗା କୁ ଆସି ଆଜି ପ୍ରଫୁଲ ଚନ୍ଦ୍ର ଦାସ ନିଜର ଜମି ବୋଲି ଦାବି ଉପସ୍ଥାପନ କରିଛନ୍ତି l ପୂର୍ବରୁ ଏହି ଜମିକୁ ନେଇ ଏହି ବରିଷ୍ଠ ଅଧିକାରୀ ଓ ବ୍ୟବସାୟୀ ଙ୍କ ମଧ୍ୟରେ କୋର୍ଟ ରେ ମାମଲା ଚାଲୁରହିଥିବା ବେଳେ କିଭଳି ଭାବରେ ଏହି ଅଧିକାରୀ ଜଣକ ଚଞ୍ଚକତା କରି ଜମି କୁ ନିଜ ପୁତ୍ର ନାମରେ କଲେ ଓ ଆଜି ପୁଣି କବାଡ଼ିଆ ବ୍ୟବସାୟୀ ଙ୍କୁ ଉଚ୍ଛେଦ ଉଛେଦ କରିବାକୁ ଆସିଥିଲେ , ତାହା ସମସ୍ତଙ୍କୁ ଆଶ୍ଚର୍ଯ୍ୟଚକିତ କରିଛି l ବ୍ୟବସାୟୀ ଜଣକ ଭଡାରେ ନେଇଥିବା ଜମି ବାବଦ କୁ ପାରାଦୀପ ର ଜଣେ ଅଧିକାରୀ ଓ କୁଜଙ୍ଗ ବ୍ଲକ ର ପୂର୍ବତନ ପ୍ରଶାସନିକ ଅଧିକାରୀ ପତ୍ନୀ ଙ୍କୁ ଟଙ୍କା ଦେଇ ବ୍ୟବସାୟ କରୁଥିବା ବେଳେ ବିଭିନ୍ନ ସମୟରେ ଧମକ, ଚମକ ପାଉଥିବା ବେଳେ ଅନ୍ୟ ଜଣେ ବ୍ୟକ୍ତି ଜମିର କାଗଜ ପତ୍ର ଦେଖାଇବା ସହିତ ଏହି ଜମିର ଅସଲି ମାଲିକ ବୋଲି ଦାବି କରିବାକୁ ନେଇ କାହାଣୀ ଭିନ୍ନ ମୋଡ଼ ନେଇଛି l
ଗୋଟିଏ ଜମିରେ ଦୁଇ ମାଲିକ ମାଲିକାନା ଦାବି କରୁଥିବା ବେଳେ ଜଣେ ନିଜର ଜମି କହି ଲକ୍ଷାଧିକ ଟଙ୍କା ନେଇଥିବା ଏବଂ ଜଣେ ନିଜର ଜମି ବୋଲି କହିବାକୁ ନେଇ ବ୍ୟବସାୟୀ ଜଣକ ସନ୍ଦିହାନ ହୋଇପଡିଛନ୍ତି l ତେବେ କିଏ ଜମିର ଅସଲି ମାଲିକ ତାହା ସ୍ପଷ୍ଟ ହୋଇ ନ ଥିବା ସମୟରେ ଅଧିକାରୀ ଜଣକ କଣ ପାଇଁ ଟଙ୍କା ନେଇଛନ୍ତି ବୋଲି ବ୍ୟବସାୟୀ ଜଣକ କହିଛନ୍ତି l ଜମିର ଭଡା ବାବଦକୁ ଏତେ ପରିମାଣ ର ଟଙ୍କା ପ୍ରଦାନ କରିଥିବା ବେଳେ ବର୍ତ୍ତମାନ ପରିସ୍ଥିତି ରେ ସେ କଣ କରିବେ ବୋଲି କହିବା ସହିତ ପ୍ରଶାସନ ତରଫରୁ ନ୍ୟାୟ ପ୍ରଦାନ କରିବାକୁ କବାଡ଼ିଆ ବ୍ୟବସାୟୀ ଦାବି କରିଛନ୍ତି l ଆଜି ଏହି ଘଟଣା କୁ ନେଇ ଜବରଦଖଲ ଉଚ୍ଛେଦ କରିବାକୁ ଆସିଥିବା ଲକ୍ ଥାନା ପୋଲିସ ଘଟଣାସ୍ଥଳରେ ଉତେଜନା ହେବାରୁ କିଛି ବୁଝି ନ ପାରି ଫେରିଯାଇଥିବା ବେଳେ ଏବେ ପ୍ରକୃତ ଜମିର ମାଲିକ କିଏ ତାକୁ ନେଇ ପ୍ରଶାସନ ପକ୍ଷରୁ ଖୋଳତାଡ଼ ହେବା ଜରୁରୀ ହୋଇପଡ଼ିଛି |
